 |
| Ida Bagus Ari Wijaya S.S., M.Si Kor. Konservasi Lontar Penyuluh Bahasa Bali |
Pinaka tetamian budaya saking para panglingsir sane katami saking riin, kawentenan lontar majanten patut kapretenin saha kalestariang becik olih
samian angga. Antuk punika, konservasi
lontar katureksain dahat mabuat kalaksanayang, sekadi sane kabaosang ketua tim
konservasi lontar penyuluh provinsi bali, Ida Bagus Ari Wijaya.
Menawi sampun ketah kauningin, kantun akeh lontar druwen krama sane nenten kapiara becik sangkaning krama nenten purun ngambil wiadin nedunang lontar sane katami
saking panglingsirnyane, napi malih nenten samian prasida ngwacen lontar. Rikalaning maosang lontar, krama sampun ajerih sangkaning ring kayun ipune
lontar wantah parindikan sane pingit wiadin tenger. Wiwilan sekadi punika sane
ngawinang krama nenten purun ngobat abit tetamian lontar sane kaduwenang. Koordinator bidang konservasi lontar penyuluh bahasa Bali Provinsi Bali, Ida Bagus Ari Wijaya S.S., M.Si maosang, lontar kawiaktianipun wantah sarana nyurat daweg
riin sadurung wenten buku sekadi mangkin. Sane ngawinang lontar punika kabaosang tenget wantah
dagingnyane. Kadasarin antuk punika, mabuat kawentenane nguwah pamikayun krama ngeninin indik lontar ring Bali, mawinan krama purun mretenin saha uning ring daging tetamian lontar sane
kaduwenang. Ari Wijaya nuekang, Dinas Kebudayaan ring kabupaten kota wiadin provinsi dahat
mabuat panyarengan ipun sajroning nyaga kalestarian lontar mangda nenten nyantos
ical ring kapungkur wekas, pamekas melarapan antuk parikrama konservasi lontar.
Ida Bagus Ari Wijaya ngawewehin, selami pamargin konservasi sane sampun mamargi, wenten makudang pikobet sane kaarepin, sekadi kawentenan
minyak sereh murni sane gumanti pinih kabuatang ring pamargin konservasi
pangarga ipun mael. Aliter minyak sereh prasida mapangarga nyantos limang atus tali rupiah. Mangda pamargin konservasi lontar prasida antar saha kawentenan lontar duwen
krama ring Bali tinas kawentenane, krama banget kaaptiyang mangda nguningayang ring
angga penyuluh indik lontar sane kaduwenang, mawinan kauningin data indik samian lontar sane
wenten ring Bali.
0 komentar:
Post a Comment