Penyuluh Bahasa Bali Desa Lodtunduh Ubud Gianyar ring Pakeling Bulan Bahasa Bali |
Om Swastiastu
Om Anobadrah kertawoyantu wiswatah
Mogi Pikayun Sané Susrusa Rauh Saking
Sakancan Genah
Ibu Bupati ……Pinaka Murdaning
Jagat sane mustikayang titiang
Bapak Camat ......... sane
kusumayang titiang
Perbekel ............ sane wangiang titiang
Maka miwah uleman sareng sami
sane sampun sweca ledang rauh ring galah becik sekadi mangkin, sane wangiang
titiang.
Puja pangastuti katur ring Ida Sang Parama Kawi, saantukan
sangkaning sih paswécan Ida, i raga sareng sami prasida masadu ajeng tur sami
ring kahanan kenak saha rahayu. Galahé mangkin wantah rahina dahat mabuat
majeng i raga sareng sami, pamekas sajeroning pamargin pakeling Bulan Bahasa
Bali. Mogi-mogi majalaran antuk parikrama puniki, Basa, Aksara makamiwah Sastra
Bali druwen i raga sareng sami prasida setata rajeg kantos ring kapungkur
wekas.
Ida Dane Sareng Sami Sané Kusumayang Titiang,
Sekadi sané sampun ketah
kauningin, Manggalaning Jagat Bali sampun ngamedalang Peraturan Gubernur Bali
Nomor 79 (pitung dasa siya) warsa 2018 (kalih tali plekutus) ngeninin indik
mabusana adat Bali makamiwah Pergub nomor 80 (ulung dasa) warsa kalih tali
plekutus), ngeninin indik penyayub saha pawigunayan Basa, Aksara miwah Sastra
Bali makamiwah Pamargin Bulan Bahasa Bali satunggil bulan Februari. Pidabdab
puniki majanten dahat becik saha patut kasokong antuk samian krama Bali, pinaka
pamargi risajeroning nyaga karajegan budaya Bali, mawinan Bali prasida setata
rajeg.
Ida dane para uleman sareng sami,
Pinaka cihna pangrembe saha
panyokong majeng kawentenan Pergub inucap, mahawinan ring galahe mangkin,
kamargiang pakeling bulan bahasa Bali. Tios ring punika, pamargine puniki taler
pinaka cihna sutindih majeng tetamian budaya Bali. Napi malih Basa, Aksara
wiadin sastra Bali druwe, sampun sayan katilarin antuk krama Bali. Pangrejeg
globalisasi mangda sampunang kantos ngareredang tetamian budaya sane dahat
mautama punika.
Ida dane sareng sami sane wangiang titiang
Mungguwing
pacentokan-pacentokan sane kamargiang ring galahe mangkin, minakadi pacentokan
nyastra Bali, inggian nyurat aksara Bali, wiadin masatua Bali (sesuaikan dengan
lomba yang dilaksanakan). Ngiring pidabdabe puniki anggen titi pangancan
sajeroning nitenin, ngawerdiang saha ngrajegang budaya Bali, pamekas busana
adat Bali, makamiwah Basa, Aksara wiadin Sastra Bali. Ageng pangaptin titiang,
mangda basa Bali druwe nenten kaanggen rikalaning pamargin pacentokan wiadin
pakeling bulan bahasa Bali kemanten, nanging sapunapi mangda sayuwakti prasida
kaanggen ring kahuripan serahina, bilih-bilih basa Bali wantah caciren manados
krama Bali saha pinaka akah budaya Bali
Inggih, wantah asapunika sane prasida atur uningayang
titiang, Makawesananing atur, puputang titiang antuk parama shanti.
Om Santih, Santih, Santih Om
0 komentar:
Post a Comment